Чытанне без прымусу
16 верасня у рамках Дня бібліятэк у дзіцячым аддзеле бібліятэкі імя Янкі Купалы для вучняў 1“Б” класа СШ №8 прайшоў экспрэс-прагляд “Чытанне без прымусу”.
У пачатку мерапрыемства вядучая прадставіла дзецям кніжныя выставы, якія адразу прыцягнулі ўвагу маленькіх гасцей. Затым школьнікі пазнаёміліся з бібліятэкай, даведаліся, як стаць чытачом і як карыстацца кнігамі.
Больш за ўсё першакласнікам спадабаліся яркія і займальныя кнігі і часопісы чытальнай залы. Таксама зацікавілі вучняў і энцыклапедычныя выданні.
Па заканчэнні экспрэс-прагляда дзеці ўдзельнічалі ў віктарыне “Думай, думай…адказвай”.
Бібліятэкар прачытала вершы такіх знакамітых аўтараў, як Карней Чукоўскі, Самуіл Маршак, Агнія Барто і інш.
Адказная: Татарчук Н. В.
