Да светлага свята Вялікадня
27 красавіка. Да светлага свята Вялікадня ў дзіцячым аддзеле бібліятэкі імя Янкі Купалы для вучняў 3-х і 4-х класаў СШ №8 былі праведзены майстар-класы, на якіх яны сваімі рукамі зрабілі велікодныя сувеніры.
Спачатку была праведзена размова на тэму «Адкуль Вялікдзень да нас прыйшоў». Дзеці пазнаёміліся з гісторыяй узнікнення гэтага свята, даведаліся, што з’яўляецца яго сімвалам і чаму. Потым разгледзелі прапанаваныя варыянты велікодных вырабаў і кожны змог выбраць той, які спадабаўся больш за ўсё. Да працы прыступілі з энтузіязмам. Кожны стараўся прыкласці максімум намаганняў, каб яго велікодны сувенір атрымаўся арыгінальным і непаўторным.
У канцы занятку была арганізавана выстава. Хлопчыкі і дзяўчынкі атрымалі велізарнае задавальненне і з добрым настроем вярталіся дадому.